Kjóstu!

Hvers vegna á ég að kjósa?

Stjórnarskráin er grunnlög íslenska lýðveldisins, undirstaða alls þjóðskipulagsins.
Á laugardaginn getum við tekið stórt skref til að fá þjóðina til að horfa fram á veginn. Til þess að það gerist þurfum við að mæta á kjörstað og kjósa!

Hvernig virkar kosningakerfið?

Kosningakerfið er ekki flókið en við þurfum ekkert að skilja það til að kjósa rétt!
Settu efst þann frambjóðenda sem þú vilt helst fá á Stjórnlagaþing og síðan koll af kolli.
Því fleiri frambjóðendur sem þú setur á seðilinn, því meiri líkur á að atkvæðið þitt nýtist.

Hér fyrir neðan er nákvæmari útskýring, smelltu á fyrirsagnirnar til að sjá meira.

Einn kjörseðill, allt að 25 frambjóðendur

Hver kjósandi hefur aðeins eitt atkvæði, ekki 25. Hver kjósandi velur og raðar allt að 25 frambjóðendur á einn og sama kjörseðilinn. Röðin skiptir máli.

Sá efsti hefur forgang á atkvæðið

Sá frambjóðandi sem kjósandinn raðar efst fær fyrst að nýta sér atkvæðið. Ef hann kemst inn, en ekki nema rétt svo, er atkvæðið fullnýtt. Hinir sem eru neðar á kjörseðlinum hafa þá ekkert gagn af atkvæðinu.

Atkvæði færist niður ef fyrsti er öruggur

Komist sá efsti inn á ríflegu fylgi færist atkvæði hans til þess sem næst er raðað. Hann getur þá hugsanlega náð kjöri á því.

Atkvæði færist niður ef fyrsti kemst ekki inn

Ef sá sem efst er raðað nær á hinn bóginn ekki kjöri sakir lítils fylgis færist allt atkvæðið til þess sem er valinn að öðru vali. Atkvæðið mun því gagnast að fullu til að koma manni á þingið ef nógu mörgum er raðað.

Atkvæðið finnur sinn frambjóðanda

Þetta heldur svo áfram koll af kolli niður eftir kjörseðlinum. Sé kjósandinn svo óheppinn að enginn af þeim sem hann raðar á seðilinn nái kjöri fellur atkvæðið dautt niður.

Raðaðu því eins mörgum og þú treystir þér til!

Til að atkvæðið þitt komi einhverjum góðum frambjóðanda að gagni þá áttu að raða sem flestum. Atkvæðið er fullgilt hvort sem þú raðar einum í efstu línu, eða 25 eða allt þar á milli.

Það er erfitt að ógilda atkvæðið

Ekki hræðast að atkvæðið verði ógilt. Það gerist sjaldan því atkvæðið er fullgilt hvort sem aðeins er raðað einum í efstu vallínu, eða 25 eða þar á milli.

Hvernig kýs ég?

Undirbúðu þig heima og veldu þína frambjóðendur. Fjölmargir vefir eru til sem geta hjálpað þér við valið. Veldu úr hópi allra frambjóðenda, ekki aðeins þeirra sem þú rekst fyrst á.
Raðaðu eins mörgum frambjóðendum á prufukjörseðilinn og þú treystir þér til, a.m.k. einum en mest 25. Mundu eftir því að raða þeim í forgangsröð og að nota númer en ekki nöfn.
Ekki vera hrædd(ur) við að kjósa marga. Vægi þess efsta á listanum minnkar ekki þótt fleiri komi á eftir honum.
Þér er óhætt að taka prufukjörseðilinn með í kjörklefann. Færðu númerin yfir á sjálfan kjörseðilinn og skilaðu honum í kjörkassann.
Hægt er að kjósa utan kjörfundar, nú þegar, t.d. í Laugardalshöll. þetta gerir þú ef þú ert að heiman á kjördag, en líka ef þú treystir þér ekki að standa í hugsanlegum biðröðum á kjördag.

Er ekki lítill áhugi og stemmning fyrir stjórnlagaþinginu og kosningunum?

Tvær meginástæður

Kosningar til stjórnlagaþings eru ekki eins áberandi í umræðunni og venjulegar kosningar af því að fjöldi frambjóðenda gerir fjölmiðlum erfitt fyrir og í venjulegum kosningum nota flokkarnir ríkisstyrki sína til að auglýsa grimmt.

Fjöldi frambjóðenda

Þeir eru of margir til að komast á hefðbundinn hátt í miðlana, það má ekki taka mismuna þeim og því kemst ENGINN þeirra í þessa miðla sem eru alltaf í augum og eyrum okkar. Öfugt við vanalega.

Styrkir til stjórnmálaflokka kosta auglýsingar

Sjórnmálaflokkarnir fá árlega hundruðir milljóna í styrki frá ríki og fyrirtækjum. Peningar sem að stórum hluta fara í að auglýsa í öllum miðlum, senda markpóst, halda fundi og hengja upp veggspjöld.

500 milljónir kaupa mikla athygli

Fyrir stjórnlagaþing, er sárafáum krónum eytt í áróður og stemmningsmyndun og auglýsingar dynja ekki á okkur daglega úr öllum áttum. Þess vegna finnst okkur að aðrir hafi ekki eins mikinn áhuga áþessu og við sjálf.

Hefur lýðræðið verðmiða?

Þarf fimm hundruð milljónir til þess að draga okkur á kjörstað? Til þess að við sýnum áhuga á grunnþáttum lýðræðisins?

Notum tækifærið!

Eigum við sem kjósendur að láta það spyrjast um okkur að við tuðum bara úti í horni og látum þetta tækifæri ganga okkur úr greipum? Það má ekki gerast!

Hvers vegna stjórnlagaþing?

Alþingi vísaði því verki til þjóðarinnar sem hófst árið 1944, að ljúka við að skrifa stjórnarskrá fyrir lýðveldið Ísland. 523 bauð sig fram, 20.000 studdu þá og nú er komið að okkur.

Fúli kallinn hefur fjölgað sér!

Þrír nýir en jafn sorglegir skoðanabræður. Endilega dreifa sem víðast!

Hjálparvefir

Kosning.is - Dómsmálaráðuneytið - Næstum því allar upplýsingar sem frambjóðendur sendu inn með framboði sínu.
Já / Nei / Kannski á frambjodendur.is - Góð leið til að fara hratt í gegnum alla frambjóðendur.
DV.is - Finndu þinn frambjóðanda eftir svörum þeirra við spurningum DV.
Sigti - Önnur framsetning á gögnum frá DV.
Svipan.is - Meiri upplýsingar frá þeim frambjóðendum sem hafa sent slíkar inn.
http://2010.hreidarsson.com/ - Myndræn framsetning sem þarf Silverlight viðbót.

Hvatningarhópur frambjóðenda til Stjórnlagaþings

Dreifa Hver erum við? Talsmaðurinn